बायकोचा पार्लरबाहेर पहारा, नवरा आतमध्ये क्लासला आलेल्या तरुणीवर करायचा वारंवार अत्याचार, भयंकर प्रकार उघड
- Published by:Ravindra Mane
Last Updated:
एका २२ वर्षीय तरुणीला ब्युटी पार्लरचं काम शिकवण्याच्या बहाण्याने बोलावून तिच्यावर वारंवार अत्याचार केल्याचा प्रकार उघडकीस आला आहे.
माणुसकीला काळिमा फासणारी एक संतापजनक घटना समोर आली आहे. एका २२ वर्षीय तरुणीला ब्युटी पार्लरचं काम शिकवण्याच्या बहाण्याने बोलावून तिच्यावर वारंवार अत्याचार केल्याचा प्रकार उघडकीस आला आहे. धक्कादायक बाब म्हणजे हा अत्याचार दुसरा तिसरा कुणी नव्हे तर ब्युटी पार्लर चालवणाऱ्या महिलेच्या पतीने केला आहे. या गुन्ह्यात स्वत: पत्नी आणि भाऊ देखील साथ देत असल्याचं समोर आलं आहे. या प्रकरणी पीडितेनं तक्रार दाखल करताच पोलिसांनी तिन्ही आरोपींना बेड्या ठोकल्या आहेत.
शरीफ खान आणि यास्मीन खान असं अटक केलेल्या आरोपी दाम्पत्याचं नाव आहे. अन्य एकालाही पोलिसांनी ताब्यात घेतलं आहे. तिघांची कसून चौकशी केली जात आहे.
नेमकं प्रकरण काय आहे?
पीडितेने दिलेल्या तक्रारीनुसार, ती मुख्य आरोपी शरीफ खानची पत्नी यास्मीन हिच्याकडे ब्युटी पार्लरचं काम शिकण्यासाठी जात होती. यामुळे तिचं आरोपीच्या घरी येणं-जाणं होतं. महिन्याभरापूर्वी जेव्हा ती यास्मीनच्या सांगण्यावरून तिच्या घरी गेली, तेव्हा तिथे शरीफ खान एकटाच होता. त्याने संधी साधून तरुणीवर जबरदस्तीने अत्याचार केला. तिने आरडाओरडा केल्यावर तिला जीवे मारण्याची आणि समाजात बदनाम करण्याची धमकी दिली.
advertisement
पीडितेने हा प्रकार यास्मीनला सांगितला, तेव्हा यास्मीनने पतीला रोखण्याऐवजी पीडितेवरच दबाव टाकला. "कोणाला काही बोलू नकोस, नाहीतर बदनामी होईल," असं सांगून ती स्वतः घराबाहेर पहारा देऊ लागली आणि शरीफ आतमध्ये तरुणीवर अत्याचार करायचा.
विरोध केल्याने सत्य आलं समोर
शनिवारी दुपारी ४ वाजता शरीफने पुन्हा एकदा बदनामीची भीती दाखवून तरुणीला घरी बोलावलं. यावेळी तिथे त्याची पत्नी यास्मीन आणि भाऊ मुबीन उपस्थित होते. त्यांच्या देखतच शरीफने तिला खोलीत ओढलं. मात्र, यावेळी पीडितेने हिंमत दाखवून कडाडून विरोध केला. तिने आरोपीला जोरात धक्का दिल्याने तो खाली पडला आणि त्याच्या डोक्याला दुखापत झाली.
advertisement
कुटुंबीयांनी रंगेहात पकडले
या घटनेची कुणकुण पीडितेच्या नातेवाईकांना लागताच तिची आई, वडील, भाऊ आणि काका यांनी तातडीने घटनास्थळी धाव घेतली. त्यांनी तरुणीची नराधमाच्या तावडीतून सुटका केली. कुटुंबीयांना पाहताच आरोपी शरीफ खान पळू लागला, यादरम्यान त्याला दुखापतही झाली.
घटनेची माहिती देताना कँट पोलीस स्टेशनचे अधिकारी म्हणाले की, पीडितेच्या तक्रारीची गांभीर्याने दखल घेत पोलिसांनी तातडीने गुन्हा दाखल केला आहे. या गुन्ह्यात मदत करणाऱ्या पत्नी आणि भावासह मुख्य आरोपीला अटक करण्यात आली आहे. घटनेचा तपास केला जात आहे.
Location :
Guna,Madhya Pradesh
First Published :
Mar 30, 2026 12:20 PM IST
मराठी बातम्या/क्राइम/
बायकोचा पार्लरबाहेर पहारा, नवरा आतमध्ये क्लासला आलेल्या तरुणीवर करायचा वारंवार अत्याचार, भयंकर प्रकार उघड
