रस्त्याने चालत होती, अचानक अंगावर आली बस, जीव वाचवण्याचा आटोकाट प्रयत्न, 5 सेकंदात सगळं संपलं

ताई देवसिंह चव्हाण असं मृत पावलेल्या ६५ वर्षीय महिलेचं नाव आहे. त्या यवतमाळच्या परिजात सोसायटीत राहायला होत्या. घटनेच्या दिवशी त्या यवतमाळ बस स्थानक परिसरात कामानिमित्ताने गेल्या होत्या. यावेळी त्या बस स्थानक परिसरातून जात असताना त्यांना एसटीने चिरडलं आहे. ही बस यवतमाळ आगाराची असून ती यवतमाळवरून पुलगावच्या दिशेनं जाणार होती.

घटनेच्या वेळी चव्हाण या पायी जात होत्या. यावेळी पाठीमागून बस आली. बसला पाहून चव्हाण यांनी वेगाने बाजुला होण्याचा प्रयत्न केला. पण त्यांचं वय अधिक असल्याने त्यांना तातडीने बस समोरून बाजुला होता आलं नाही. त्यांनी बस समोरून दूर जाण्याचा आटोकाट प्रयत्न केला. पण बसची धडक बसून त्या बसच्या डाव्या बाजुच्या पहिल्या चाकाखाली आल्या. यावेळी दुसऱ्या एका महिलेनं आरडाओरड करून बसला थांबवलं. पण तोपर्यंत फार उशीर झाला होता. त्यांच्या अंगावरून चाक गेलं. अवघ्या पाच सेकंदात हा सगळा प्रकार घडला