प्रेमाचा भयानक शेवट! आधी एकाच गाडीत फिरले, मग प्रेमी युगुलाने चिरला एकमेकांचा गळा

पोलिसांनी दिलेल्या माहितीनुसार, सोमवारी दुपारी जयपूर शहरातील हरमदा पोलीस स्टेशन परिसरात ही घटना घडली. येथे लोहा मंडई रोडवर एका तरुण आणि तरुणीने चाकूने एकमेकांचा गळा चिरला. या घटनेनं परिसरात खळबळ उडाली. दरम्यान कोणीतरी याबाबत पोलिसांना माहिती दिली. ते दोघंही एकाच गाडीतून लोहा मंडीत आले होते, असं सांगण्यात येत आहे. चाकूने गळा कापल्याने दोघेही गंभीर जखमी झाले. त्यानंतर मुलीचा मृत्यू झाला. ज्योती असं मृत तरुणीचं नाव आहे. तरुणाची ओळख अद्याप पटलेली नाही.