ज्या पाकिस्तानी बॉलरमुळे सचिन जगभर चर्चेत आला, त्याच्या मुलाचे हादरवून टाकणारे कृत्य; थेट पोलिसांनी घरातून उचलले

41 वर्षीय सुलेमान कादिरने 2005 ते 2013 या काळात पाकिस्तानमध्ये 26 फर्स्ट क्लास आणि 40 लिस्ट-ए सामने खेळले आहेत. तो अब्दुल कादिर यांच्या चार मुलांपैकी एक आहे.

अब्दुल कादिर यांचं सप्टेंबर 2019 मध्ये निधन झालं होतं. त्यांच्या कारकिर्दीमुळे पाकिस्तान क्रिकेटला जागतिक ओळख मिळाली होती. मात्र आता त्यांच्या मुलावर लागलेल्या आरोपांमुळे कुटुंबाचं नाव वादाच्या भोवऱ्यात अडकलं आहे.

अब्दुल कादिर यांचे नाव निघाल्यावर क्रिकेट चाहत्यांना सचिन तेंडुलकर विरुद्धचा तो थरार आठवतोच. 16 वर्षांचा सचिन तेंडुलकर फलंदाजी करत असताना, त्याने पाकिस्तानचा फिरकीपटू मुश्ताक अहमद याच्या एका षटकात दोन षटकार ठोकले होते. हे पाहून अनुभवी अब्दुल कादिर सचिनजवळ गेले आणि त्याला आव्हान देत म्हणाले, "लहान मुलांना काय मारतोयस? हिंमत असेल तर मला मारून दाखव." (बच्‍चों को क्‍यों मार रहे हो? हमें मार के दिखाओ!)