अंमली पदार्थांचे व्यसन, स्वतःच्या शेतातच गांजाची लागवड, असा जुगाड केली की पोलिसांनाही बसला धक्का

राजस्थानच्या कोटा जिल्ह्यातील या घटनेने खळबळ उडाली आहे. याठिकाणी मोहरीच्या शेतात गांजाची शेती केली जात होती. पोलीस अधिकारी रमेश चंद मीणा यांनी सांगितले की, मिळालेल्या माहितीच्या आधारे जिल्हा विशेष पथकाने आणि पगारिया पोलिसांनी शेतातून 1900 गांजाची रोपे ताब्यात घेतली. त्यांचे वजन 167.9 किलोग्रॅम आहे. तसेच या प्रकरणातील आरोपी व्यसनी व्यक्ती विक्रम सिंह सोंधिया याला अटक करण्यात आली आहे. चहूकडे मोहरीच्या शेतीत मधोमध गांजाची शेती केली जात असताना पोलिसांनाही धक्का बसला. याप्रकरणी आरोपीविरोधात अंमली पदार्थ कायद्यान्वये गुन्हा दाखल करण्यात आला आहे.

पोलिसांनी सांगितले की, आरोपीला गांजाचे व्यसन होते. त्याने आपल्या शेतातच मोहरीच्या पिकात गांजाची शेती सुरू केली होती. तसेच ही गोष्ट अतिशय गुप्त ठेवली होती. कुणालाही याबाबत माहिती पडू दिले नाही. मात्र, जेव्हा गांजाची रोपे येऊ लागली तेव्हा पोलिसांना गुप्त माहिती मिळाली. यानंतर पगारिया पोलीस ठाणे हद्दीत ही कारवाई करण्यात आली. या घटनेची सर्वत्र चर्चा होत आहे.