Ambarnath: अंबरनाथमध्ये अग्नितांडव, केमिकल कंपनीत भीषण स्फोट, घटनास्थळाचा पहिला VIDEO

अंबरनाथ : ठाणे जिल्ह्यातून एक धक्कादायक बातमी समोर आली आहे. अंबरनाथ एमआयडीसीमध्ये एका केमिकल कंपनीला भीषण आग लागली आहे. केमिकल कंपनीमध्ये स्फोट होऊन भीषण आग लागली आहे. या आगीमध्ये काही कामगार अडकल्याची भीती वर्तवली जात आहे. घटनास्थळी अग्निशमन दलाच्या गाड्या घटनास्थळी दाखल झाल्या आहे.

गणेश केमिकल नावाची कंपनी आहे. संध्याकाळी ४ वाजेच्या सुमारास आग लागली. केमिकल कंपनीच्या बाहेर एक टँकर उभा होता. केमिकल कंपनीमधून एक केमिकल रस्त्यावर आलं आणि आग लागली. या आगीत कंपनीबाहेर उभे असलेले ४ टँकर आगीच्या भक्षस्थानी सापडले.  आगीचं कारण अद्याप स्पष्ट झालं नाही. कंपनीमध्ये किती जण अडकले आहे, अजून काही माहिती समोर आली नाही. आतमध्ये कुणीही नव्हतं अशी प्राथमिक माहिती समोर आली आहे. अंबरनाथ, उल्हासनगर, कल्याण महापालिकेच्या गाड्या घटनास्थळी दाखल आहे. आग विझवण्याचे काम सुरू आहे.