Scam : जिवंत नोकराला मृत सांगत मारणार होता 50 लाखांचा डल्ला, पण चितेवरील त्या गोष्टीमुळे उघड झालं सत्य, असं काय घडलं?

Published by:Devika Shinde

Last Updated:November 28, 2025 6:48 PM IST

हापुड़ पालिकेचे कर्मचारी आणि गंगा घाटावर अंत्यसंस्कार करणारे काही स्थानिक लोक या घटनेत खरे नायक ठरले. त्यांच्या सतर्कतेमुळे केवळ आर्थिक फसवणूकच थांबली नाही, तर पुढच्या काळात संबंधित नोकराच्या जिवालाही धोका निर्माण होण्याची शक्यता टळली.

मुंबई : कधी कधी एखादी छोटीशी शंका, एखादं बारकं निरीक्षण आणि “काहीतरी बरोबर नाहीये” हा सहज वाटणारा संशय मोठ्या फसवणुकीचा पडदा उघडतो. उत्तर प्रदेशातील हापुड़मध्ये असाच एक धक्कादायक प्रकार उघडकीस आला. इतकं सगळं नियोजित, टप्प्याटप्प्याने रचलेलं होतं की कोणाला थोडाही संशय येणार नाही. पण तरीही असं काहीतरी घडलं यामुळे लाखोंचा घोटाळा समोर आला.

हापुड़ पालिकेचे कर्मचारी आणि गंगा घाटावर अंत्यसंस्कार करणारे काही स्थानिक लोक या घटनेत खरे नायक ठरले. त्यांच्या सतर्कतेमुळे केवळ आर्थिक फसवणूकच थांबली नाही, तर पुढच्या काळात संबंधित नोकराच्या जिवालाही धोका निर्माण होण्याची शक्यता टळली. असं पोलिस तपासात स्पष्ट होत आहे.

आता तुम्ही विचार करत असाल की असं नक्की काय घडलंय?

कमल सोमानी नावाच्या व्यक्तीने आपल्या नोकराचा मृत्यू झाल्याचं सांगत घाटावर अंत्यसंस्काराची तयारी केली. सर्व काही नेहमीप्रमाणे चाललं असताना चितेवर ठेवलेला देह पाहून काहींच्या नजरेत संशयाची ठिणगी पडली.

“हा देह काहीतरी वेगळा वाटतोय…” असं म्हणत उपस्थितांनी जोरात चर्चा सुरू केली. त्यांच्या या सावधपणामुळे सगळे तिथेच थांबले आणि प्रकरणाला वेगळी दिशा मिळाली. जर काही क्षण उशीर झाला असता, तर मात्र हे सत्य पकडणं कठीण असतं. कारण का तिथे कोणा माणसाचं शरीर नाही तर एक त्याच्याजागी एक डमी ठेवला होता आणि जर या डमीचा अंतिम संस्कार पूर्ण झाला असता आणि सगळं प्रकरण “खरं” मानून पुढे लाखोंची फसवणूक झाली असती.

गोंधळ उडाला तेव्हा कमल सोमानीने तात्काळ बचावात्मक भूमिका घेतली. त्याने थेट रुग्णालयातील कर्मचाऱ्यांवर आरोप करत “शवाऐवजी डमी दिली” असा दावा केला आणि स्वतः रडायला लागला.

पोलिस घटनास्थळी पोहोचल्यावरही त्याने नोकरी करणारा माणूस आजारी होता, रुग्णालयात उपचारादरम्यान त्याचा मृत्यू झाला. अशीच कथा सांगितली. त्यासाठी त्याने काही रुग्णालयीन कागदपत्रेही दाखवली. कागद पाहून क्षणभर पोलिसही संभ्रमात पडले. कारण कथेतली मांडणी आणि कागदपत्रांची जुळणी प्रथमदर्शनी “खरी” वाटत होती.

पण तपासात निर्णायक वळण आलं ते कमल सोमानीच्या कारची झडती घेतल्यानंतर. पोलिसांनी गाडी तपासली असता आत आणखी दोन डमी सापडले. इथेच संपूर्ण कथेतला खोटेपणाचा धागा स्पष्ट झाला. यानंतर पोलिसांनी कमल आणि त्याच्या साथीदाराला ताब्यात घेऊन चौकशी सुरू केली. चौकशीत एकामागोमाग एक धक्कादायक गोष्टी उघड होत गेल्या आणि अखेर संपूर्ण कटाचे स्वरूप समोर आले.

शव म्हणून डमीला ठेवलं चितेवर

50 लाखांच्या विम्यासाठी रचलेला मृत्यूचा कट

तपासात उघड झाल्यानुसार, कमल सोमानीने जिवंत नोकराला मृत दाखवून त्याच्या नावावर विम्याची रक्कम काढण्याचा डाव आखला होता. गंगा घाटावर अंतिम संस्काराच्या वेळी मिळणारे मृत्यु प्रमाणपत्र हातात आले की त्याद्वारे फसवणुकीने तब्बल 50 लाख रुपयांचा विमा हडप करण्याचा त्यांचा प्लॅन होता. पण नियतीने (आणि माणुसकीने) वेगळीच कथा लिहिली. घाटावरील लोकांनी आणि पालिका कर्मचाऱ्यांनी वेळेत संशय घेतला, म्हणून हा डाव अर्ध्यावरच उधळला गेला.

घटनेची माहिती मिळताच एसपी कुंवर ज्ञानंजय सिंह गढमुक्तेश्वर कोतवालीत पोहोचले. त्यांनी या प्रकरणातील प्रत्येक टप्प्याची सखोल चौकशी करण्याचे निर्देश दिले आहेत. तपासात आणखी कोणकोण सहभागी होते, कागदपत्रांची बनावट कशी केली, आणि या कटामागे मोठं नेटवर्क आहे का याचा शोध सुरू आहे.

या घटनेने एक भयानक वास्तव समोर आणलंय, पैसा मिळवण्यासाठी “मृत्यू”ची नक्कल करणे इथेच थांबेल का, की पुढे जिवंत व्यक्तीची सुरक्षितताही धोक्यात येऊ शकते? त्या नोकराच्या जीवाबाबतही पुढील काळात धोका निर्माण होण्याची शक्यता पोलिस नाकारत नाहीत. हापुड़च्या या घटनेतून एक गोष्ट ठळक झाली. फसवणूक कितीही चलाखीने रचली तरी जागरूक डोळे, संवेदनशील माणुसकी आणि थोडं धैर्य असेल, तर अशा कटांचा बुरखा नक्की फाटतो.

view comments