पत्नीला फोन करून बोलावलं, तिच्यासोबत आई आली, दोघी खोलीत जाताच दरवाजा केला बंद आणि पुढे... 

ही घटना हिसार जिल्ह्यातील महाजत गावातील आहे. या ठिकाणचा रहिवासी रामभगत हा अंमली पदार्थांच्या आहारी गेला होता. तो अनेकदा दारूच्या नशेत आपल्या पत्नीला मारहाण करत असे. त्यामुळे त्याला व्यसनमुक्ती केंद्रात पाठवण्यात आलं. तो बराच काळ व्यसनमुक्ती केंद्रात दाखल होता. सुमारे 6 महिन्यांपूर्वी त्याची पत्नी भरपो देवी त्याला घरी घेऊन आली. मात्र, भरपो आणि रामभगत वेगवेगळ्या घरात राहत होते. हा माणूस गावातच एका जुन्या घरात राहत होता.

एका तरुण रामभगतला दररोज जेवण देण्यासाठी यायचा. पण रविवारी भरपो देवी स्वतः जेवण घेऊन आली. जेवण दिल्यानंतर ती आपल्या घरी परतली. घरी पोहोचताच रामभगतने तिला फोन करून परत घरी येण्यास सांगितलं. भरपोला हे विचित्र वाटलं. तिने आपल्या सासूला सांगितलं. यावर सासू गीताही आपल्या सुनेसोबत मुलाला भेटायला गेली.

दरम्यान, माणसाच्या मनात वेगळाच डाव शिजत होता. दोघी घरात जाऊन खोलीत बसताच, आधीच तयारी करून ठेवलेल्या रामभगतने भरपो देवी आणि गीता यांच्यावर तेल शिंपडलं. नंतर त्यांना आग लावली. रामभगतने आधीच गेट बंद केलं होतं, जेणेकरून दोघी पळून जाऊ शकणार नाहीत. आग लागल्यावर दोघी ओरडल्या, पण रात्रीची वेळ असल्याने कोणालाही त्यांचा आवाज ऐकू आला नाही. गीताने कशीतरी खोलीचा दरवाजा उघडून जिन्याने बाहेर धाव घेतली. आवाज ऐकून आजूबाजूच्या गावातील लोकं जागे होऊन बाहेर आले. पण तोपर्यंत गीता अर्ध्याहून अधिक जळाली होती.

गुन्हा केल्यानंतर रामभगतने गेट बंद करून घराबाहेर बसला. गावातील आणि कुटुंबीयांनी गीताला हिसारमधील एका खासगी रुग्णालयात दाखल केलं. माहिती मिळताच पोलीस आणि फॉरेन्सिक टीम घटनास्थळी पोहोचली. हत्येचं कारण अद्याप समजू शकलेलं नाही. रामभगतने सुमारे तीन वर्षांपूर्वी भरपो देवीवर धारदार शस्त्राने हल्ला केला होता. भरपो त्या हल्ल्यातून थोडक्यात बचावली होती. त्यानंतर वारंवार भांडणं होत होती. आरोपी रामभगतचे दोन भाऊ आणि इतर कुटुंबीय एका कार्यक्रमासाठी दुसऱ्या गावात गेले होते. रामभगत, भरपो देवी आणि गीता यांच्याशिवाय घरात कोणीही नव्हतं. भरपो देवीला दोन मुली आहेत, असं कुटुंबीयांनी सांगितलं.