घराबाहेर बोलवलं अन् कोयत्याने गळ्यावर केले 12 वार, नागपुरात प्रेयसीच्या पतीला दोघांनी दिला भयंकर मृत्यू

शेरा मलिक आपल्याला ठार मारेल, या भीतीने गितेशने शेराच्या हत्येचा कट रचला. या कामात गितेशने त्याचा मित्र भोजराज कुंभारेची मदत घेतली. मुख्य आरोपीनं भोजराज याला शेरा मलिकची माहिती काढण्याचे काम सोपवले. भोजराजने शेरा घरी असल्याची खबर दिली. त्यानंतर दोन्ही आरोपी शेराच्या घरी गेले. त्यांनी शेरा याला घराबाहेर बोलावले. यावेळी आरोपींच्या मनात काय सुरू आहे, याची पुसटशी कल्पनाही शेराला नव्हती. तो घराबाहेर येताच आरोपींनी त्याच्या गळ्यावर कोयत्याने 11-12 वार केले. शेरा जागीच मृत्यू झाला. याप्रकरणी दोन्ही आरोपींना पोलिसांनी अटक केली आहे. त्यांच्यावर विविध कलमांतर्गत गुन्हा दाखल केला आहे. घटनेचा पुढील तपास सुरू आहे.