ऑनलाइन गेमिंगचा नाद, अल्पवयीन मुलानं आपल्याच घरात केली 40 लाखांची चोरी, धक्कादायक घटना

चंपा गैरोला यांच्या घरी ही घटना घडली. त्या उत्तराखंडच्या चमोली जिल्ह्यातील गोपेश्वर येथील रहिवासी आहेत. चंपा या आपल्या मुलीला भेटायला डेहराडून याठिकाणी गेल्या होत्या. मात्र, त्या परतल्या तेव्हा त्यांना घराचा दरवाजा हा मोडलेला दिसला. तसेच त्यांच्या सासूच्या खोलीतील लॉकरचे लॉकही मोडले होते आणि त्यातील मौल्यवान दागिनेही गायब होते. इतकेच नव्हे तर त्यांचेही दागिने चोरी झाले होते. या सर्व दागिन्यांची किंमत ही तब्बल 35-40 लाख रुपये सांगण्यात आली.