'तू तुझ्या देशात जा', ब्रिटनमध्ये भारतीय तरुणीवर दोघांचा अत्याचार, आधी मारहाण केली मग...

लंडन : ब्रिटनमधील वेस्ट मिडलँड्समधील ओल्डबरी शहरात एका २० वर्षीय भारतीय तरुणीवर वांशिक हल्ल्याची आणि बलात्काराची धक्कादायक घटना समोर आली आहे. गेल्या मंगळवारी (९ सप्टेंबर) सकाळी टेम रोडजवळ ही घटना घडली असून, पीडित तरुणीने दिलेल्या माहितीनुसार, दोन गोऱ्या पुरुषांनी तिच्यावर हल्ला केला. आरोपी एवढ्यावरच थांबले नाहीत. त्यांनी तिच्यावर लैंगिक अत्याचार केला. यावेळी आरोपींनी तिला उद्देशून वांशिक शेरेबाजी करत 'तू तुझ्या देशात परत जा' अशी धमकीही दिली.