Pune Crime: स्वच्छतागृहातील त्या कैद्याच्या हालचालींमुळे मोठं कांड उघड; येरवडा कारागृहात तपासणीदरम्यान आढळल्या धक्कादायक वस्तू

पुणे : अतिसुरक्षित मानल्या जाणाऱ्या पुणे येथील येरवडा मध्यवर्ती कारागृहात राबवण्यात आलेल्या विशेष तपासणी मोहिमेत धक्कादायक प्रकार उघडकीस आला आहे. कारागृह प्रशासनाने घेतलेल्या झाडाझडतीत कैद्यांच्या बराकीत चक्क पाच मोबाईल संच, दोन पॉवर बँक आणि चार्जिंग वायर असे साहित्य सापडल्याने एकच खळबळ उडाली आहे. या प्रकरणी सराईत कैदी नौशाद बद्रुद्दीन शेख याच्यासह इतर कैद्यांविरुद्ध येरवडा पोलीस ठाण्यात गुन्हा दाखल करण्यात आला आहे.