सौरभचे तुकडे करून निळ्या ड्रममध्ये भरणारी मुस्कान झाली आई, बाळ कुणाचं? DNA चाचणीची मागणी

काही महिन्यांपूर्वी सौरभ राजपूत हत्याकांड प्रकरणामुळे अवघा देश हादरला होता. सौरभची पत्नी मुस्कान रस्तोगी एका तरुणाच्या प्रेमात पडली. त्यानंतर दोघांच्या अनैतिक संबंधात नवरा अडथळा येत होता म्हणून दोघांनी त्याचा खून केला. खून केल्यानंतर त्याचा मृतदेह हा घरात पाण्याच्या निळ्या ड्रममध्ये लपवला होता. हे प्रकरण समोर आल्यानंतर देशभरात खळबळ उडाली होती. मुस्कानने ज्या प्रकारे नवऱ्याचा खून केला त्यावरून तिला ड्रम क्विन असं म्हटलं जाऊ लागलं. पण, आता जेलमध्ये असलेल्या मुस्कानने एका मुलीला जन्म दिला आहे. त्यामुळे ही मुलगी कुणाची आहे? यासाठी राजपूत कुटुंबीयांनी डीएनए चाचणीची मागणी केली आहे.