Pushpa 2 OTT Release: अल्लू अर्जुनचा 'पुष्पा 2' OTT वर रिलीज होणार नाही? समोर आली मोठी अपडेट
- Published by:Sayali Zarad
Last Updated:
Pushpa 2 OTT Release: पुष्पा 2 सिनेमा 5 डिसेंबर रोजी थिएटरमध्ये दाखल झाला. रिलीज झाल्यापासून हा सिनेमा बॉक्स ऑफिसवर खळबळ उडवत आहे.
मुंबई: पुष्पा 2 सिनेमा 5 डिसेंबर रोजी थिएटरमध्ये दाखल झाला. रिलीज झाल्यापासून हा सिनेमा बॉक्स ऑफिसवर खळबळ उडवत आहे. एकामागून एक कमाईचे रेकॉर्ड मोडत सिनेमा बॉक्स ऑफिसवर राज्य करतोय. दिवसेंदिवस कमाईचा आकडा वाढत चालला आहे. थिएटरमध्ये आपली कमाल दाखवल्यानंतर पुष्पा 2 ओटीटीवर रिलीज होणार असल्याचं समोर आलं होतं. मात्र आता यामध्ये मोठी अपडेट समोर आली आहे. पुष्पा ओटीटी रिलीजविषयी मेकर्सने नवी माहिती दिली आहे.
अल्लू अर्जुन स्टारर पुष्पा 2 9 जानेवारी 2025 रोजी OTT वर प्रदर्शित होणार अशी माहिती समोर आली होती. आता याविषयी निर्मात्यांनी अपडेट दिली आहे. पुष्पा 2: द रुल, Mythri Movies च्या प्रोडक्शन हाऊसने त्याच्या अधिकृत X हँडलवर पोस्ट शेअर करत याची माहिती दिली.
advertisement
प्रोडक्शन हाऊसने त्यांच्या पोस्टमध्ये लिहिलं, चित्रपट थिएटरमध्ये रिलीज झाल्यानंतर 56 दिवसांपर्यंत कोणत्याही OTT प्लॅटफॉर्मवर प्रदर्शित होणार नाही. “#Pushpa2TheRule च्या OTT रिलीजबद्दल अफवा पसरत आहेत. या हॉलिडे सीझनमध्ये फक्त मोठ्या स्क्रीनवर सर्वात मोठा चित्रपट #Pushpa2 चा आनंद घ्या. हा #WildFirePushpa फक्त थिएटर्स वर्ल्डवाइड (sic) मध्ये आहे,"
सुकुमार दिग्दर्शित, पुष्पा 2: द रुल हा 2021 च्या ब्लॉकबस्टर पुष्पा: द राइजचा सिक्वेल आहे. सिक्वेलमध्ये, अर्जुनने करिष्माई पुष्पा राज, श्रीवल्लीच्या भूमिकेत रश्मिका मंदाना आणि एसपी भंवर सिंग शेखावतच्या भूमिकेत फहद फासिल यांच्या भूमिकेत होते. पुष्पा 2: द रुल हा हिंदी भाषेतील सर्वाधिक कमाई करणारा चित्रपट ठरला आहे. रिलीजच्या दोन आठवड्यांत याने 600 कोटींची कमाई केली आहे. चित्रपटाच्या प्रोडक्शन हाऊस, Mythiri Movie Makers च्या मते, अल्लू अर्जुन स्टारर चित्रपटाने जगभरात रु. 1,500 कोटींचा टप्पा ओलांडला आहे. या चित्रपटाने आतापर्यंत 1,508 कोटी रुपयांची कमाई केली आहे.
Location :
Mumbai,Maharashtra
First Published :
December 22, 2024 8:06 AM IST
मराठी बातम्या/मनोरंजन/
Pushpa 2 OTT Release: अल्लू अर्जुनचा 'पुष्पा 2' OTT वर रिलीज होणार नाही? समोर आली मोठी अपडेट
