Bigg Boss Marathi 6: ना हाणामारी ना राडा...तरी एका वाक्यामुळं दिव्याला बिग बॉसने दाखवला घरातून बाहेरचा रस्ता...

बिग बॉस यांनी स्पर्धकांना एक टास्क दिला होता, ज्यात प्रत्येक स्पर्धकाने त्यांना घरात राहण्यास अपात्र वाटणाऱ्या कोणत्याही दोन स्पर्धकांची नावं सांगत त्यांच्या चेहऱ्यावर लाल रंगाच्या पेंटने फुली मारायची होती. त्यानुसार स्पर्धकांनी आपली नावं सांगितली. तन्वी कोल्तेने दिव्या शिंदेचं नाव घेत, ती घरात राहण्यास अपात्र असल्याचे सांगितले. यानंतर दिव्याने घरातील काही स्पर्धकांना अप्रत्यक्षपणे जीवे मारण्याची धमकी दिली. दिव्या म्हणाली, "माझ्या कानावर येतं की मी बाहेरच्या गोष्टी या घरात बोलते. पण मी अशाप्रकारचं काहीही बोललेले नाही. या घराबाहेर माझ्या हातात कायम एक तलवार असते. आता ती तलवार घरी आहे, पण याचा अर्थ असा नाही की मी या घराबाहेर गेल्यावर ती चालवणार नाही. या घरात जे जे माझ्याबद्दल बोलत आहेत, त्यांच्यावर ती तलवार चालणार."