'मुझसे शादी करोगी'वर निक जोनसने लगावले ठुमके; डान्सपाहून प्रियंकाचे फॅन्सही वेडे, म्हणाले 'बेस्ट जीजू ऑफ द इयर'

मुंबई : आपल्यापैकी अनेकजण लग्नसमारंभात किंवा पार्टीत जेव्हा 'देसी गर्ल' किंवा 'मुझसे शादी करोगी' सारखी गाणी ऐकतो, तेव्हा पाय आपोआप थिरकायला लागतात. बॉलिवूडच्या गाण्यांची जादूच अशी आहे की, भाषेची बंधनं तोडून ती सातासमुद्रापार पोहोचतात. पण विचार करा, जर हेच गाणं अमेरिकेत वाजत असेल आणि चक्क प्रियांका चोप्राचा नवरा म्हणजेच आपले 'इंटरनॅशनल जिजू' निक जोनास त्यावर डान्स करत असतील तर? सध्या सोशल मीडियावर एक असा व्हिडिओ फिरतोय, जो पाहिल्यावर तुमच्या चेहऱ्यावर नक्कीच हसू येईल.