बंदूकीचा धाक दाखवला, 3 तास बांधून ठेवलं; निर्मात्याचा छळ करून अभिनेत्रीने लुटले 10 लाख, गुन्हा दाखल

१४ ऑगस्ट रोजी संध्याकाळी ही घटना घडली. निर्माते कृष्णकुमार त्यांच्या 'चित्रलेखा हेरिटेज स्टुडिओ'मध्ये काही मित्र आणि कलाकारांसोबत बसले होते. त्यावेळी अचानक निकिता घाग आणि तिच्यासोबत १०-१२ अनोळखी लोक त्यांच्या ऑफिसमध्ये घुसले. त्यांनी सगळ्यांना शिवीगाळ करून बाहेर हाकलून लावलं.

निर्मात्यांनी दिलेल्या माहितीनुसार, त्यातील एका तरुणाने स्वतःची ओळख दादा अशी करून नाव विवेक जगताप असल्याचं सांगितलं. त्यानंतर निकिता आणि तिच्या साथीदारांनी कृष्णकुमार यांच्यावर खोटे आरोप केले आणि त्यांची बदनामी करण्याची धमकी देऊन २५ लाख रुपयांची मागणी केली. जेव्हा निर्मात्यांनी विरोध केला, तेव्हा त्यांना मारहाण करण्यात आली. यावेळी एका व्यक्तीने चाकू काढला, तर विवेक जगतापने कमरेला लावलेले पिस्तुल दाखवून निर्मात्याला धमकी दिली.