'अजित पवारांच्या चेहऱ्यावर मी पहिल्यांदाच...', भर कार्यक्रमात नाना पाटेकरांनी घेतलेली दादांची फिरकी, VIDEO

मुंबई : नियतीचा खेळ खरोखरच अजब असतो. २८ जानेवारी २०२६ चा तो काळा दिवस महाराष्ट्राच्या राजकारणातील एका धगधगत्या पर्वाचा अंत करून गेला. उपमुख्यमंत्री अजित पवार यांच्या अपघाती निधनाने संपूर्ण राज्य अजूनही सुन्न आहे. शासकीय इतमामात पार पडलेले अंत्यसंस्कार आणि जनसागराचा तो महापूर दादांच्या लोकप्रियतेची साक्ष देऊन गेला. मात्र, राजकीय गदारोळापासून दूर, कॅमेऱ्यांच्या फ्लॅशलाईटपासून लांब, दादांचा एक असा कोपरा होता जिथे ते फक्त 'अजित' असायचे. तो कोपरा म्हणजे ज्येष्ठ अभिनेते नाना पाटेकर यांचं घर आणि त्यांची मैत्री.