खरंच सागर कारंडे Bigg Boss Marathi 6 च्या घरात मळत होता तंबाखू? अखेर टीम कडून खरंखोटं समोर

बिग बॉस मराठी सीझन 6 जोरदार सुरू आहे. या सीझनमध्ये प्रसिद्ध अभिनेता आणि कॉमेडियन सागर कारंडे देखील सहभागी झाला आहे. सागर कारंडे घरात उत्तम खेळताना दिसतोय. घरात त्याची भांडणं होतं आहेत, मज्जा, मस्ती धम्माल आणि सगळ्यांचं मनोरंजन करताना सागर कारंडे दिसत आहे. दरम्यान सागर कारंडेचा एक व्हिडीओ समोर आला होता. ज्यात सागर कारंडे बिग बॉसच्या घरात बाथरूममध्ये तंबाखू मळताना दिसला होता. राधा पाटिल देखील तिथे त्याच्याबरोबर दिसत आहे. हा व्हिडीओ सोशल मीडियावर प्रचंड व्हायरल झाला. या व्हिडीओनंतर खरंच सागर कारंडे घरात तंबाखू खात होता का असा प्रश्न त्याच्या चाहत्यांना पडला. अखेर या सगळ्या प्रश्नांवर बिग बॉस मराठीचे क्रिएटिव्ह हेड केतन माणगांवकर यांनी सत्य सांगितलं.