Saif Ali Khan Attack : अखेर सापडला सैफवर हल्ला करणारा, 1081 किमी अंतरावर पोलिसांनी असं पकडलं!

सैफ अली खान प्रकरणी पोलिसांचा कसून तपास सुरू आहे. मध्य प्रदेश पोलिसांनी एका संशयिताला ताब्यात घेतले आहे. आता या संशयिताची चौकशी होईल. दरम्यान, मुंबई पोलिसांनी आतापर्यंत सुमारे 50 जणांची चौकशी केली आहे. अशातच, पोलिसांनी आता ताब्यात घेतलेल्या संशयित आरोपीचं नाव आकाश कन्नौजिया असल्याचं सांगितलं जात आहे.

दरम्यान, या आरोपीला कसे पकडले याबाबत स्वतः डीजी मनोज यादव यांनी सांगितलं आहे. ते म्हणाले, “मुंबई पोलिस या संशयिताचं लोकेशन ट्रॅक करत होती. त्यांना माहिती मिळाली की हा इसम ट्रेनमध्ये असून ही ट्रेन दुर्ग आणि राजनंद गावाच्या आजूबाजूला आहे. मुंबई पोलिसांनी ही माहिती मध्य प्रदेश पोलिसांना दिली.”

डीजी मनोज यादव पुढे म्हणाले, “सिव्हिल कपड्यांतच मुफ्ती स्थानकात पोलिस या ट्रेनमध्ये चढले. दुर्ग पोलिस स्थानकातील एसएचओ यांनी या संशयिताला ओळखले आणि आपल्या दोन कर्मचाऱ्यांच्या मदतीने त्याला ताब्यात घेतले. यानंतर आम्ही या इसमाचा फोटो घेऊन तो मुंबई पोलिसांसोबत शेअर केला. त्यांनीही या संशयिताची ओळख पटवली.”