Video: आख्ख्या महाराष्ट्राला वेड लावणारा गायक, सात पिढ्यांपासून जपली लोककलेची परंपरा

जालना, 2 सप्टेंबर: काळाच्या ओघात अनेक लोककला, लोकपरंपरा नाहीशा झाल्या आहेत. तर काही अखेरच्या घटका मोजत आहेत. तमाशा, गोंधळी, नंदीबैल, वासुदेव अशा एक ना अनेक लोककला आता नष्ट होण्याच्या मार्गावर आहेत. पूर्वी मनोरंजनाचे साधन नसल्याने या कलांना प्रेक्षक व सर्वसामान्य जनता यांचं प्रेम मिळायचं. यातूनच या कलावंताचा उदरणीर्वाह व्हायचा. मात्र हल्ली परिस्थिती बदलली असल्याने या कलाकारांची देखील हेळसांड होत आहे. जालना जिल्ह्यातील उगले कुटुंब मागील सात पिढ्यांपासून लोकगीते गाण्याची परंपरा जोपासत आहे. यामध्ये भारुड, पोवाडे, लोकगीते आदी गाणी गायली जातात. पुढे त्यांच्या मुलांनी देखील हे बाळकडू जोपासलं आहे.