'WWEच्या रेसलर सारखा मारायचा, पैसा-घर सगळं लुबाडलं'; प्रसिद्ध गायिकेचे होणाऱ्या नवऱ्यावर गंभीर आरोप

सुचित्रा या साऊथ गायिकेबरोबर हा प्रकार घडला आहे. ती गायिका आणि एक्स रेडिओ जॉकी आहे. तिचा एक व्हिडिओ सोशल मीडियावर व्हायरल होत आहे. या व्हिडिओमध्ये त्याने होणाऱ्या नवऱ्यावर शारीरिक आणि मानसिक छळाचा आरोप केला आहे.

( 5 Bollywood Blockbuster Movies : एकाच घरातील 3 लोक, बनवल्या सेम टू सेम फिल्म तरी सुपरहिट; एक ठरला रेकॉर्डब्रेक! )

या व्हिडिओमध्ये सुचित्राने सांगितले की तिचा मंगेतर तिला WWE च्या रेसलरसारखा मारायचा. त्याच्या बुटांनी मारहाण करायचा. हा व्हिडिओ शेअर करताना तिने एक लांबलचक कॅप्शन देखील लिहिले आहे. तिनं तिच्याबरोबर काय घडलं हे सांगितलं.  ती म्हणाली की, तिला खूप त्रास सहन करावा लागला आहे. तिने आता त्याविरुद्ध कायदेशीर कारवाई करण्याचा निर्णय घेतला आहे.

शुणमुगराज असं तिच्या होणाऱ्या नवऱ्याचं नाव आहे.  5 वर्षांपासून ती त्याला ओळखते. दोघे एन्गेज होते.  व्हिडिओ शेअर करताना सुचित्राने कॅप्शनमध्ये लिहिले आहे, "हे कर्म काहीही असो, मी एक महिला म्हणून हार मानणार नाही. या शुणमुगराजने माझे कष्टाचे पैसे चोरले. जे मी गाण्यांद्वारे मोठ्या कष्टाने कमावले. गाणे कठीण नव्हते. कठीण गोष्ट होती. व्यावसायिक वृत्ती राखणे, छेडछाडीकडे दुर्लक्ष करणे, 'काऊच'पासून दूर राहणे आणि सुरक्षित राहणे."

तिनं पुढे म्हटलंय, "हिंसक माणूस शारीरिकदृष्ट्या जवळ असतानाच भयानक वाटतो. आता मी शुणमुगराजच्या शारीरिक क्रोधापासून दूर असल्याने मी त्याला खाली आणण्यासाठी माझ्या क्षमतेनुसार प्रत्येक डिजिटल साधन (मुख्यमंत्र्यांकडे तक्रार आज ईमेलवर आहे) वापरू शकते आणि वापरेन. मी स्वतः सांगितल्याशिवाय तुम्हाला याबद्दल माहिती मिळणार नाही. आज मला जाणवले की मी माझ्या प्रत्येक गाण्यावर (मे मसम 98'इलसह) शुणमुगराजपेक्षा जास्त प्रेम केलं आहे आणि करत राहीन. तो एक एक पैसा परत करेपर्यंत मी त्याचा पाठलाग करेन. चेन्नई उच्च न्यायालयाचे बेरोजगार आणि आळशी वकील शुणमुगराज के. त्याला त्या दिवसाचा पश्चाताप होईल जेव्हा त्याने माझ्याशी पंगा घ्यायचा विचार केला."

सुचित्राने तिच्या होणाऱ्या नवऱ्यावर तिच्या चेन्नईतील घरातून हाकलून लावल्याचा आरोप केला आहे.  त्यानंतर तिला काही महिन्यांपूर्वी नोकरी मिळाली आणि ती मुंबईत आली. याआधीही  होणाऱ्या नवऱ्याने तिच्यावर हल्ला करण्याचे संकेत दिले होते असं तिने सांगितलं.