लेकीचे बॅक टू बॅक सिनेमे, आईने लिहिली हृदयस्पर्शी कविता; ऐकून भावुक झाली झापुक झुपूकची हिरोईन, VIDEO

मुंबई : मराठी सिनेसृष्टीतील अभिनेत्री जुई भागवत आणि तिची आई अभिनेत्री दीप्ती भागवत यांचा एक व्हिडीओ सध्या सोशल मीडियावर व्हायरल होत आहे. या व्हिडीओत दीप्ती यांनी आपल्या लेकीसाठी लिहिलेली खास कविता वाचून दाखवली. ही कविता ऐकताना जुईच्या डोळ्यात पाणी आलं. मायलेकीच्या या हृदयस्पर्शी क्षणाने अनेकांना भावूक केलं आहे. जुई सध्या तिच्या दोन नव्या सिनेमांच्या प्रमोशनमध्ये बिझी आहे. तिचा ‘झापूक झुपूक’ हा सिनेमा नुकताच प्रदर्शित झाला असून पुढील 5 दिवसांत ‘गुलकंद’ हा दुसरा सिनेमा प्रेक्षकांच्या भेटीला येणार आहे.