साडेतीन हजार सोसायट्यांमधील रहिवाशांना मोठा दिलासा! सिडकोनं घेतला महत्वाचा निर्णय

सिडकोने सुरुवातीला नवी मुंबई परिसरात बंगले आणि रो-हाऊस उभारण्यासाठी प्लॉटची विक्री केली होती. मात्र, कालांतराने वाढत्या लोकसंख्येचा आणि बदलत्या गरजांचा विचार करून काही ठिकाणी बहुनिवासी इमारती उभारण्यास परवानगी देण्यात आली. नंतर नगरविकास विभागाने हा निर्णय रद्द करत अशा परवानग्यांवर स्थगिती आणली. परिणामी, या बांधकामांची कायदेशीर स्थिती संदिग्ध झाली आणि रहिवाशांना विविध अडचणींचा सामना करावा लागला.

या संदर्भात प्रशांत ठाकूर यांनी सांगितले की, हा निर्णय केवळ प्रशासकीय नसून हजारो कुटुंबांच्या हक्कांशी संबंधित आहे. नियमितीकरणामुळे नागरिकांना मोठा दिलासा मिळणार असून प्रलंबित प्रश्न मार्गी लागतील.