Explainer : प्राचीन झाडाचा अजब इतिहास, 4.7 कोटींपूर्वीच्या फुलाचे अवशेष पाहून शास्त्रज्ञही झाले चकीत

सहसा, नवीन शोध जुन्या शोधांमधून मिळालेल्या माहितीमध्ये सुधारणा करतात. पण कधी कधी उलटही घडते. 1969 मध्ये, शास्त्रज्ञांना जीवाश्म बनलेली प्राचीन पाने सापडली. अमेरिकेतील उटाह भागात सापडलेल्या या पानांना शास्त्रज्ञांनी ओथनिओफिटन एलोनगॅटम म्हणजेच एलियन प्लांट असे नाव दिले आहे. ही जिनसेंग कुळातील वनस्पतीची पाने असू शकतात असा त्यांचा अंदाज होता. परंतु नवीन शोधांमध्ये सापडलेल्या नवीन नमुन्यांमुळे शास्त्रज्ञ चकीत झाले, कारण त्यांना असे आढळून आले की ही वनस्पती खूपच विचित्र आणि रहस्यमय आहे. ती पूर्णपणे भिन्न प्रजातीची आहे. शास्त्रज्ञांचे म्हणणे आहे की, हा शोध केवळ वनस्पतिशास्त्रासाठी फारच परिवर्तनकारक ठरणार नाही, तर वनस्पतींच्या इतिहासाबद्दलही बरेच काही सांगेल.