विश्वास नाही बसणार पण लालूंसाठी अडवाणी ठरले होते 'लकी चार्म', आजही MY फॅक्टर तेजस्वीला देतो रिटर्न!

बिहारमध्ये सध्या निवडणुकीचा प्रचार शिगेला पोहोचला आहे. या वर्षाच्या अखेरीस बिहारमध्ये विधानसभा निवडणुका होणार आहेत. राहुल गांधी आणि तेजस्वी यादव यांनी मतचोरीचा मुद्दा मोठा करत सर्वत्र प्रचाराला सुरुवात केलीय. एसआयआरवरूनही विरोधक मुख्यमंत्री नितीश कुमार आणि भाजपला टार्गेट करताना दिसत आहेत. त्यामुळे यंदाची निवडणूक भाजप आणि नितीश कुमारांसाठी फारशी सोपी असणार नाही. राज्यातील बेरोजगारी, स्थलांतर आणि अँटी इन्कम्बन्सीसारखे अनेक मुद्दे सत्ताधारी पक्षाच्या विरोधात जाणारी आहेत. अशात बिहारमध्ये नितीश कुमार सरकारने अलीकडेच जातीय जनगणना केलीय. त्यामुळे यंदाही जातीय समीकरणांच्या आधारावर निवडणूक जिंकण्याचा एनडीएचा भर असल्याचं दिसून येतं.