टायमर सुरू झाला आहे, एकही मूल जन्माला न आलं तर?; वैज्ञानिकांनी दिलं भयावह उत्तर, 100 वर्षांत संपूर्ण विनाश

त्या वेळी मोजक्याच शहरांमध्ये थोडे वृद्ध लोक शिल्लक असतील. कुठलीही नवीन पिढी अस्तित्वात नसेल. जनरेशन गॅप नव्हे, तर संपूर्ण जनरेशनच गायब होईल. आणि तेव्हा, जसं निएंडरथल मानव इतिहासजमा झाले तसंच ‘होमो सेपियन्स’ म्हणजे आपणही होऊन जाऊ.

ही कल्पना भयावह वाटेल, पण विज्ञान त्याला पूर्णपणे नाकारत नाही. काही संभाव्य कारणं:

जपान, दक्षिण कोरिया सारख्या देशांमध्ये जन्मदर चिंताजनकरीत्या घसरत आहे. भारतातही अनेकजण कमी मूलांना जन्म देत आहेत, काही तर घेतच नाहीत. अमेरिका मध्ये 2024 मध्ये 3.6 दशलक्ष बाळं जन्मली, जी संख्या 20 वर्षांपूर्वी 4.1 दशलक्ष होती. त्याच वेळी मृत्यूसंख्या वाढते आहे: 2022 मध्ये 3.3 दशलक्ष. जर हे ट्रेंड्स सुरूच राहिले आणि स्थलांतर (immigration) कमी झालं, तर लोकसंख्या सतत घटत जाईल.

तरुण समाजाची पाठिशी असतात. तेच नवीन कल्पना आणतात, तंत्रज्ञान बनवतात आणि वृद्धांची काळजी घेतात. जर तरुणांची संख्या कमी झाली तर वृद्धांचं आयुष्यही धोक्यात येईल. एक वेळ अशी येईल की काळजी घेणारा कुणीच नसेल, ना व्यवस्थाच उरेल.

आपले पूर्वज होमो सेपियन्स गेली सुमारे 2 लाख वर्ष पृथ्वीवर आहेत. पण आपले नातेवाईक निएंडरथल 40,000 वर्षांपूर्वी लुप्त झाले – कारण ते संसाधनांचं व्यवस्थापन करू शकले नाहीत आणि त्यांच्या प्रजननदरात घट झाली. जर आजचे बर्थ ट्रेंड्स, जागतिक हवामान बदल, युद्ध आणि महामारी असेच चालू राहिले, तर मानवजातीचं अस्तित्व संपणार, ही कल्पनाच नाही – ती शक्यता आहे.