Science of Cricket: क्रिकेटमधील अनोखा नियम, चेंडू कबूतरांना लागला तर काय होते? ओवल टेस्टमध्ये मॅच सोडून भलतीच चर्चा

या सामन्याच्या पहिल्या दिवशी पावसाने बराच व्यत्यय आणला. एकूण केवळ 64 षटकांचा खेळ होऊ शकला आणि भारताने 204/6 असा स्कोअर केला. इंग्लंडच्या वेगवान गोलंदाजांनी आणि हिरव्या खेळपट्टीने भारतीय फलंदाजांना अडचणीत आणले.

क्रिकेट सामन्यादरम्यान चेंडू एखाद्या पक्ष्याला, प्राण्याला किंवा इतर कोणत्याही अडथळ्याला लागल्यास काय होते? अशा परिस्थितीत अंपायर "डेड बॉल" घोषित करतो.

MCC च्या नियमानुसार, डेड बॉल कधी घोषित करायचा हे पूर्णपणे अंपायरच्या विवेकावर अवलंबून असते.

क्रिकेटच्या मैदानात पक्ष्यांचे किंवा प्राण्यांचे येणे काही नवीन नाही. इंग्लंडमधील काउंटी सामन्यांत मोर देखील मैदानावर आले आहेत. कबूतर तर नेहमीच दिसतात. ऑस्ट्रेलियात सीगल पक्षी खेळादरम्यान दिसतात. साउथ आफ्रिकेमध्ये Hadeda Ibis नावाचा पक्षी खेळादरम्यान अनेकदा मैदानात येतो. भारतात अनेक वेळा कावळे खेळादरम्यान दिसले आहेत.