Operation Mahadev Inside story: हाशिम मूसा महादेव पर्वतावर संपला; ‘चायनीज डिव्हाइस’नं उघडलं दहशतवाद्यांच्या मृत्यूचं दार!

भारतीय सैन्याने 'ऑपरेशन महादेव' अंतर्गत जम्मू-कश्मीरमध्ये मोठं ऑपरेशन राबवत पहलगाम हल्ल्याचा मास्टरमाइंड आणि पाकिस्तानी दहशतवादी हाशिम मूसा याला ठार केलं. या कारवाईत मूसा सोबत आणखी दोन दहशतवाद्यांचा खात्मा करण्यात आला. विशेष म्हणजे मूसा आणि त्याच्या साथीदारांची ठिकाणं चिनी बनावटीच्या अत्याधुनिक रेडिओ उपकरणामुळे उघड झाली. ज्यामुळे त्यांच्या स्थानिक नेटवर्कलाही मदतीसाठी वेळेवर हालचाल करता आली नाही.