Kalyan Wedding News: लग्नाआधी मोठा अनर्थ, हळदीचा सोहळा ठरला विषारी; जेवणातून 50 जणांना विषबाधा, विवाह रद्द, नवरीला मानसिक धक्का

कल्याण पश्चिमेमध्ये एका धक्कादायक प्रकारामुळे खळबळ उडाली आहे. कल्याण पश्चिमेमध्ये मोहन प्राईड या हाय प्रोफाईल इमारतीमध्ये हळदी समारंभाच्या जेवणामध्ये काही पाहुण्यांना जेवणातून विषबाधा झाली आहे. वधूच्या हळदीच्या कार्यक्रमामध्ये 40 ते 50 नातेवाईकांना विषबाधा झाल्याची घटना घडली आहे. या घटनेमुळे कुटुंबीयांवर आता लग्न रद्द करण्याची नामुष्की ओढावली आहे. वधूकडील लोकांनी कॅटरर्सच्या विरोधात पोलिसांत गुन्हा दाखल केला आहे. या घटनेमुळे कल्याण पश्चिमेमध्ये खळबळ उडाली असून अनेक नागरिकांकडून सध्या सावधगिरीचा इशारा घेतला जात आहे.