अंबरनाथ-बदलापूरकरांना लोकलला मिळणार तगडा पर्याय; मुंबई गाठणे होणार अधिक सोपे

मेट्रो प्रकल्पाचा विस्तार सध्या मुंबई शहरापासून ते अनेक उपनगरापर्यंत विस्तारात आहे. त्यातील एका मेट्रो मार्गिका म्हणजे बदलापूर ते कांजूरमार्ग. पण आता हा विस्तार बदलापूरपर्यंत मर्यादित न राहता थेट टू वे मेट्रो कनेक्टिव्हिटीमुळे अंबनरनाथपर्यंत जोडला जाणार आहे. विशेष म्हणजे या प्रकल्पाचा फायदा फक्त या दोन शहरांपुरता मर्यादित न राहता उल्हासनगर, शहाड आणि विशेषतहा कल्याण शहरालाही होणार आहे.

याशिवाय ठाणे-भिवंडी-कल्याण मेट्रो मार्गाचे विस्तारीकरण करून कल्याणहून उल्हासनगरमार्गे अंबरनाथपर्यंत मेट्रो सेवा सुरू करण्याचा प्रस्ताव आहे. या विस्तारीकरणासाठी 183 कोटी रुपये मंजूर करण्यात आले आहेत. त्यामुळे अनेक गावांचा विकास होणार असून मोठी गृहसंकुले उभी राहण्याची शक्यता आहे.