Ratnagiri Rain : रत्नागिरीत पावसाचा कहर; डोंगर खचला, गावाशी संपर्क तुटला

रत्नागिरी, शिवाजी गोरे, प्रतिनिधी: कोकणात पावसाचा जोर वाढला आहे, रत्नागिरी जिल्ह्यात तर पावसाचा कहर पाहायला मिळत आहे. पावसामुळे डोंगर खचल्याची घटना घडली आहे. दोन जिल्हे आणि चार तालुक्यांच्या सीमेवर असलेला देवाचा डोंगर खचल्यानं 'देवाचा डोंगर' गावाशी संपर्क तुटला आहे. वाहतूक पूर्णपणे ठप्प झाली आहे. मंगळवारी डोंगर खचला होता, रस्त्यावरील दगड हटवण्यात आले होते. मात्र पुन्हा एकदा रात्री पावसामुळे दरड कोसळल्यानं वाहतूक पूर्णपणे बंद झाली असून, देवाचा डोंगर गावाचा संपर्क तुटला आहे. डोंगराचा भाग कोसळून दगडं रस्त्यावर येत असल्यानं हा रस्ता धोकादायक बनला आहे.