Dhurandhar The Revenge : अखेर प्रतीक्षा संपली! धुरंधर 2 चा Teaser Out

'ये नया हिंदुस्तान है, ये घर मे घुसेगा भी और मारेगा भी' अशा वाक्यासह अभिनेता रणवीर सिंहने त्याच्या इन्स्टाग्राम अकाऊंटवर धुरंधर फिल्मच्या सीक्वेलचा टिझर पोस्ट केला आहे. धुरंधर फिल्मच्या सीक्वेलचं नाव धुरंधर 2 नाही तर  धुरंधर : द रिव्हेंज असं आहे. रणवीर सिंहच्या धुरंधर फिल्मच्या दुसऱ्या भागाच्या टीझरने सोशल मीडियावर धुमाकूळ घातला आहे.

1 मिनिट 12 सेकंदाचा हा टिझर.  टीझरची सुरुवात हमजा नाही तर जसकीरत सिंग रंगीपासून होते. लियारीच्या युद्धासाठी त्याला तयार करणारा त्याचा प्रशिक्षण आणि बदललेला लूक देखील दाखवण्यात आला आहे. टीझरमध्ये 14 सेकंदात हमजा त्याच्या लांब केसांसह फुल्ल टशनमध्ये एंट्री करतो. लियारीचा राजा बनल्यानंतर आधी फक्त रहमान डकैतकडे असलेली सर्व पॉवर त्याने मिळवली आहे.

टीझरवरून स्पष्ट होतं की यावेळी, एकाच व्यक्तीबद्दल दोन वेगवेगळ्या कथा सांगितल्या जातील, ज्याचा हिंट पहिल्या भागाच्या शेवटी देखील देण्यात आला होता. रणवीर सिंहचा लूक प्रेक्षकांना अधिक आवडला आहे.

धुरंधरने बॉक्स ऑफिसवर इतिहास रचला आहे. IMDb नुसार, आदित्य धर दिग्दर्शित या स्पाय अॅक्शन थ्रिलर चित्रपटाचं बजेट अंदाजे 250 कोटी रुपये होतं. पण जगभरात त्याने 1305.7 कोटींची कमाई केली. फक्त भारतातील कलेक्शनच 840.2 कोटी रुपये आहे. ज्यामुळे तो हिंदी चित्रपटसृष्टीतील सर्वात हिट चित्रपटांपैकी एक बनला.

धुरंधर फिल्म पाकिस्तानसह काही देशांमध्ये बॅनही करण्यात आली आहे. पण आता ती नेटफ्लिक्स या ओटीटीवर प्रदर्शित झाल्यानंतर पाकिस्तानात ओटीटीवर टॉप ट्रेंडिंगवर आहे.

धुरंधरने जगभरात 1300 कोटी रुपये कमावले आहेत. हा रणवीर सिंगचा सर्वाधिक कमाई करणारा चित्रपटही बनला आहे. या फिल्मनंतर प्रेक्षक आता 'धुरंधर : द रिव्हेंज' ही फिल्म 19 मार्च 2026 ला रिलीज होणार आहे. फिल्मचा हा सीक्वेल बॉक्स ऑफिसवर काय जादू करणार याची उत्सुकता सगळ्यांना आहे.