या 10 वर्षात जन्मलेल्या 1.56 कोटी लोकांवर मृत्यूची टांगती तलवार, नव्या संशोधनामुळे खळबळ

हेल्थलाइनमध्ये दिलेल्या माहितीनुसार गॅस्ट्रिक कॅन्सर हा एक घातक कर्करोग आहे जो पोटाच्या आतील थराच्या पेशींमध्ये होतो. तो सहसा हळूहळू विकसित होतो आणि सुरुवातीला लक्षणं दिसत नाही. भूक न लागणं, छातीत जळजळ, अपचन किंवा अचानक वजन कमी होणं यासारखी लक्षणं नंतर दिसू लागतात.

नवीन संशोधनात असंही म्हटलं आहे की जर सध्याच्या परिस्थितीत कोणताही बदल केला नाही तर येत्या काळात मृत्यूदर आणि रुग्णांची संख्या पुन्हा वाढू लागेल. विशेषतः तरुण पिढी आणि वृद्ध लोकसंख्येमध्ये कर्करोगाच्या प्रकरणांमध्ये वाढ झाल्याने हा धोका आणखी वाढू शकतो. अभ्यासानुसार, सध्या उप-सहारा आफ्रिकेत पोटाच्या कर्करोगाचे रुग्ण कमी असले तरी, भविष्यात तेथील परिस्थिती आणखी बिकट होऊ शकते. 2022 पेक्षा सहा पट जास्त रुग्ण असू शकतात. याचा अर्थ असा की प्रत्येक देशाला आतापासूनच तयारी करावी लागेल, जेणेकरून भावी पिढ्यांना या प्राणघातक आजारापासून वाचवता येईल. भारतातही या कर्करोगाला रोखण्यासाठी आवश्यक पावलं उचलण्याची गरज आहे.