आंबेडकर जयंतीला व्हाईट शर्ट हवाय? नाशिकमध्ये हे ठिकाण बेस्ट पर्याय, 100 हून अधिक व्हरायटी!

नाशिक: सध्या मार्केटमध्ये कितीतरी रंगीबेरंगी कपडे आले आहेत. पण तरीही ‘ब्लॅक अँड व्हाईट’ कपड्यांची क्रेझ अजूनही कायम आहे. विशेष प्रसंगी, कार्यक्रमात अनेकजण पांढरा शर्ट अन् काळी पँट हेच काँबिनेशन आवडीनं परिधान करतात. डॉ. बाबासाहेब आंबेडकर यांच्या जयंती सारख्या प्रसंगी तर आवर्जून पांढऱ्या रंगाचे कपडेच परिधान केले जातात. नाशिकमध्ये अशाच फक्त पांढऱ्या रेडिमेड कपड्यांचं एक दुकान असून तिथं अगदी 499 रुपयांपासून आकर्षक शर्ट मिळतात. याबाबत लोकल18 च्या माध्यमातून जाणून घेऊ.

नाशिकमध्ये आत्मा क्लॉथिंग नावाचं दुकान आहे. इथं वेगवेगळ्या व्हरायटीचे फक्त पांढरे कुर्ते आणि शर्ट मिळतात. इतर कुठल्याही रंगाचे कपडे इथं मिळत नाहीत. डॉ. बाबासाहेब आंबेडकर यांच्या जयंती आठवड्यात या दुकानात खास ऑफर जाहीर करण्यात आलीये. त्यामुळे या दुकानात कपडे खरेदीसाठी मोठी गर्दी होतेय.