फसवणूक कराल तर ३ प्रकारच्या कठोर कारवाया होणार! महारेराचे नवीन नियम काय आहेत?

मुंबई : घर खरेदीदारांची फसवणूक करणाऱ्या आणि वसुली आदेशांचे पालन टाळणाऱ्या बांधकाम व्यावसायिकांवर आता कठोर कारवाई होणार आहे. महाराष्ट्र रिअल इस्टेट रेग्युलेटरी अथॉरिटी (महारेरा) काही दिवसांपूर्वी आपल्या नियमांमध्ये महत्त्वपूर्ण सुधारणा जाहीर केल्या आहेत. आदेशाची अंमलबजावणी न करणाऱ्या विकासकांची मालमत्ता जप्त करणे, बँक खाती गोठवणे तसेच तुरुंगवासाची कारवाई करण्याची तरतूद करण्यात आली आहे. या निर्णयामुळे घरखरेदीदारांना न्यायासाठी दीर्घकाळ प्रतीक्षा करावी लागणार नाही, असा विश्वास व्यक्त केला जात आहे.