Satara: साताऱ्यातील कराड MIDC मध्ये पुन्हा कंपनीत भीषण स्फोट, 10 किमी परिसर हादरला, दिवसभरात 12 स्फोट

सध्या एमआयडीसीतील सर्व कंपन्यांमधील कामगारांना घरी सोडण्यात आलं आहे. कारण, या स्फोटाच्या मालिकेसोबत आता परिसरात दुर्गंधी वास येऊ लागला आहे, तसंच लोकांना अंगाला खाज येवू लागला आहे. त्यामुळे खबरदारी म्हणून संपूर्ण एमआयडीसीमधील  कंपन्यातील कामगारांनी घरी सोडण्यात आलं आहे.

आज सकाळी ८ वाजेच्या सुमारास  तासवडे औद्योगिक वसाहतीतील साईराम केमिकल कंपनीत पहिला स्फोट झाला होता.  या स्फोटाचा आवाज इतका भीषण होता की, आजूबाजूच्या १० किलोमीटर परिसरातील गावे आणि वस्त्या अक्षरशः हादरल्या. अनेक घरांच्या आणि व्यावसायिक इमारतींच्या खिडक्यांच्या काचा फुटल्या.  स्फोटानंतर कंपनीतून आगीच्या ज्वाला आणि काळ्या धुराचे आकाश व्यापले होते. दिवसभर छोटे मोठे असे १२ स्फोट झाले.  स्फोटामुळे कंपनीच्या इमारतीचे मोठं नुकसान झालं आहे. आजूबाजूच्या कंपन्यांनाही या स्फोटामुळे धक्का बसला.   स्फोटाची माहिती मिळताच अग्निशमन दलाच्या गाड्या आणि पोलीस प्रशासन घटनास्थळी दाखल झाले असून आग विझवण्याचे काम रात्री उशिरापर्यंत  सुरू आहे. सुदैवाने या दुर्घटनेत कोणतीही जीवितहानी झाली नसल्याचे वृत्त आहे. पण, प्रशासनाकडून अजून कोणतीही माहिती देण्यात आला नही.