Ram Mandir फॅशन आणि भक्तीचा अनोखा मिलाफ, अयोध्येतील राम मंदिर आता साडीवर, Video

अयोध्येतील प्राणप्रतिष्ठा सोहळ्यासाठी कुठे लाखो लाडू बनवण्याची तयारी सुरू आहे; तर कुठे सर्वांत मोठी अगरबत्ती अयोध्या नगरीत पोहोचवली जात आहे. कुठे बॅनर दिसत आहे, तर कुठे झेंडे आणि विद्युत रोषणाई दिसत आहे. दादरमधील (प ) स्टेशनपासून अगदी 8 ते 10 मिनिटाच्या अंतरावर असलेल्या पानेरी या दुकानात चक्क साडीवरच भगवान श्रीराम आणि अयोध्येतील राम मंदिराचे डिझाईन प्रिंट केले आहे. या खास साडीने सध्या अनेकांचे लक्ष वेधून घेतले आहे. आता ग्राहकांकडून भरभरून प्रतिसाद मिळत आहे तसेच आतापर्यंत अनेक साचड्या विकल्या असल्याची माहिती दुकानदाराने दिली आहे.

श्रीराम मंदिर प्राणप्रतिष्ठा सोहळ्यात या साड्या आकर्षणाचा भाग ठरू शकतात. ही साडी साईड स्क्रॅप मटेरियलची असून त्यावर स्क्रीन प्रिंट आहे. तसेच त्यावर मंदिरा सोबतच जय श्री राम आणि अयोध्या असेही लिहिलेलं आहे. ही साडी बनवण्याचा कालावधी हा 15 ते 20 दिवसांचा आहे. साडीची किंमत 1950 रुपये इतकी असणार आहे. लोकांचा प्रतिसाद बघता अजून साड्या बनवण्याची प्रक्रिया चालू असल्याची माहिती दुकानदारांनी दिली.