Amla Juice Benefits: गुणकारी आवळ्याचे आहेत इतके फायदे; 30 दिवस प्या आवळ्याचा रस दूर होतील अनेक आजार

जर तुम्ही वजन कमी करण्याचा विचार करत असाल तर आवळ्याचा रस तुमच्यासाठी वरदान ठरू शकतो. सलग 30 दिवस रिकाम्या पोटी आवळ्याचा रस प्यायल्याने फक्त वजन कमी होण्यास मदत होणार नाही तर एकूणच आरोग्यात सुधारणा दिसून येईल. आवळ्यात असलेल्या फायबर्समुळे पचन सुधारतं. याशिवाय पोट बराच काळ भरलेलं राहतं, ज्यामुळे कमी भूक लागते. याव्यतिरिक्त, आवळ्यामध्ये असलेले अँटीऑक्सिडंट्स शरीराचे मुक्त रॅडिकल्सच्या हानीपासून संरक्षण करतात आणि त्वचेला निरोगी ठेवतात.

सकाळी रिकाम्या पोटी आवळ्याचा रस पिणे हृदयाच्या आरोग्यासाठी चांगले असते. हे उच्च रक्तदाब नियंत्रित करण्यास आणि कोलेस्टेरॉलची पातळी कमी करण्यास मदत करते. आवळ्याचा रस नियमितपणे प्यायल्याने हृदयविकाराचा झटका आणि स्ट्रोकसारख्या आजारांचा धोका कमी होऊ शकतो. इतकेच नाही तर आवळ्यामध्ये असलेले अँटीऑक्सिडंट्स देखील हृदयविकाराचा धोका कमी करतात.

दररोज सकाळी रिकाम्या पोटी आवळ्याचा रस प्यायल्याने तुमची रोगप्रतिकारक शक्ती वाढते. आवळा हा जीवनसत्व सी आणि अँटीऑक्सिडंट्सने समृद्ध आहे जे शरीराला संसर्गाविरूद्ध लढण्यास मदत करतात. या पोषकतत्त्वांमुळे तुमची रोगप्रतिकारक शक्ती मजबूत होते. ज्यामुळे अनेक आजारांपासून संरक्षण होऊ शकते.

याशिवाय 30 दिवस दररोज आवळ्याचा रस प्यायल्याने तुमची त्वचा देखील निरोगी राहील, विशेषतः जर तुम्हाला मुरुमांची समस्या असेल तर ती सुद्धा नाहीशी होईल. याशिवाय केस गळतीचा त्रास असलेल्या लोकांसाठी आवळ्याचा रस गुणकारी आहे. यामुळे केसांची मुळे मजबूत होतात आणि त्यांची वाढ होते.