Pre-Post Workout Food : वर्कआउट करताना थकवा येतो? व्यायामापूर्वी आणि नंतर 'हे' पदार्थ खा, मिळेल प्रचंड ऊर्जा!

मुंबई : व्यायामशाळेत जाऊन घाम गाळल्यानंतरही अपेक्षित परिणाम मिळत नाहीत? याचे एक महत्त्वाचे कारण तुमच्या आहारात दडलेले असू शकते. अनेक जण आकर्षक पॅकेजेसमध्ये बंद असलेल्या एनर्जी बार्स किंवा स्नॅक्सना पसंती देतात. परंतु खरी ऊर्जा प्रयोगशाळेत बनवलेल्या प्रोटीन पावडर किंवा कृत्रिम साखरेतून येत नाही, ती नैसर्गिक आणि साध्या घटकांमधून येते. हे नैसर्गिक घटक शरीर सहज ओळखते आणि ताकद वाढवण्यासाठी वापरते. तुम्ही सकाळी योग करत असाल, ताकदीचा व्यायाम करत असाल किंवा लांब धावण्यासाठी जात असाल, तर योग्य आहार घ्या. कारण योग्य आहार घेतल्यास तुमची कार्यक्षमता, रिकव्हरी वाढते. शिवाय तुम्हाला दीर्घकाळ निरोगी राहण्यासाठी खूप मदत होते.