मलाई गोळा खावा तर इथंच, डोंबिवलीत फक्त 40 रुपयांपासून मिळतात 30 फ्लेवर, Video

डोंबिवली पश्चिमेला स्टेशनपासून 10 ते 15 मिनिटांच्या अंतरावर असलेल्या भाग मैदानजवळ हा गोळेवाल्याचा स्टॉल आहे. राजभोग डिलक्स आणि मिक्स ड्रायफ्रूट मलाई हे गोळे इथले सर्वात अस्सल आणि खास आहेत. या गोळ्यांमध्ये तुम्हाला ब्लू बेरी, रोझ, रबडी मलाई, बेदाणे, काजू आणि ड्रायफ्रूट सारखे अनेक फ्लेवर चाखायला मिळतील. इथे गोळ्याची किंमत 40 रुपयांपासून ते 200 रुपयांपर्यंत फ्लेवरनुसार आहे. विशेष म्हणजे इथून तुम्हाला हवा असलेला गोळा घरबसल्या ऑनलाईन ऑर्डर करूनही मागवता येतो, अशी माहिती विक्रेत्यांनी दिली.

राधे मलाई गोला सेंटर येथे फ्लेवरनुसार गोळ्याची किंमत आहे. याठिकाणी चॉकलेट मावा मलाई गोळा 100 रुपये, चॉकलेट मावा ड्रायफ्रुट मलाई गोळा 120 रुपये, बटरस्कॉच मलाई गोळा 100 रुपये आणि मँगो मावा मलाई गोळा100 रुपयांपासून मिळतो. तसेच साध्या गोळ्यांमध्ये चम्मच गोळा, साधा गोळाही मिळतो. तसेच केशर पिस्ता, डिलक्स स्पेशल, असे अनेक प्रकारचे मावा आणि ड्रायफ्रूटवाले गोळे देखील याठिकाणी मिळतात. ज्यांची किंमत ही 100 ते 200 रुपयांपर्यंत आहे. या स्टॉलवर तुम्हाला अनेक प्रकारचे सरबतही मिळतील, असेही विक्रेता राधे यांनी सांगितले.

राधे स्टॉलवर मलाई गोळा, मावा गोळा यांना मागणी असते. तसेच इथला रोजभोग मालई गोळा चवीला खूप खास असल्याचं खवय्ये सांगतात. त्यामुळे जर तुम्हीही थंडगार गोळ्याचे शौकीन असाल आणि नेहमीच्या गोळ्यापेक्षा जर वेगळा गोळा चाखून बघायचा असेल तर तुमच्यासाठी मलाई आणि मावा गोळ्यातील हे फ्लेवर अगदी उत्तम पर्याय आहे.