विदर्भातील मटका रोटी खाल्लीत का? पाहा लंबी रोटीची खास रेसिपी, Video

लांब रोटी बनवण्यासाठी गहू बारीक दळून 15- 20 मिनिटे भिजवून घ्यावं लागतं. मोठ्या परातीत पिठात पाणी टाकत पीठ भिजवलं जातं आणि वारंवार पटकलं जातं. त्यात चिक्की येईपर्यंत पटकलं जातं. नंतर पिठाचा गोळा हातावर लांब करुन अलगद माठावर टाकला जातो. भरपूर पाणी वापरून पातळ पीठ तयार केलं जातं. नंतर मातीच्या चुलीवर एक मोठं उलटं माठ ठेवलेलं असतं. महिलांचे कुशल हात कणकेला अत्यंत पातळ रोटी तयार करुन माठाच्या गोलाकार पृष्ठभागावर नाजूकपणे चिकटवल्या जाते. पूर्णपणे शिजल्यानंतर, रोटी काळजीपूर्वक काढून सर्व्ह केली जाते.

माठावरची लांब रोटी नागपुरात प्रसिद्ध आहे. लोक नॉनव्हेज, पनीर, पाटवडी रस्सा किंवा आमरस आणि इतर चमचमीत पदार्थांसोबत यावर ताव मारतात. लांब रोटी मुख्यत्वे कडकनाथ चिकन आणि मटण सोबत खाल्ली जाते. विशेष म्हणजे उन्हाळ्यात या रोट्यांना आंब्याच्या रसासोबत खाण्यास अनेकांची पसंती असते.