महाबळेश्वर स्पेशल चॉकलेट स्ट्रॉबेरी बाऊल, किंमत 130 रुपयांपासून, मुंबईत इथं चाखा चव

मुंबई : सध्या तरुणाई आईस्क्रीम पेक्षा ही चॉकलेट बाऊलला पसंती देताना दिसत आहे. महाबळेश्वर स्पेशल चॉकलेट स्ट्रॉबेरी बाऊल  सध्या घाटकोपरमध्ये एका ठिकाणी मिळायला सुरुवात झाली आहे. घाटकोपरच्या खाऊ गल्लीमध्ये असणारे क्रेव्ह द बाऊल या दुकानात हे सगळे चॉकलेट बाऊल उपलब्ध आहेत. मुंबईमध्ये ही कन्सेप्ट नवीन असल्यामुळे इथे प्रचंड गर्दी होत आहे. मर्चंट नेव्हीमध्ये कार्यरत असणाऱ्या अक्षय ओझा या मुंबईकर तरुणाने घाटकोपरमध्ये स्वतःचा चॉकलेट बाऊलचा व्यवसाय सुरू केला आहे. स्वतःचा व्यवसाय असावा या उद्देशाने त्याने मर्चंट नेव्हीतील नोकरी सोडून हा युनिक व्यवसाय सुरू केला आणि आता या व्यवसायाला मुंबईकरांची पसंती मिळत आहे.

सध्या स्ट्रॉबेरीचा सिझन सुरू असल्यामुळे इथे मिळणारे स्ट्रॉबेरी चॉकलेट बाऊल खाण्यासाठी प्रचंड गर्दी होत आहे. या स्ट्रॉबेरी चॉकलेट बाऊलमध्ये तुम्हाला चारहून अधिक व्हरायटी मिळतील. ज्यामध्ये चॉकलेट स्ट्रॉबेरी बाऊल, नटेला स्ट्रॉबेरी पाऊल, स्ट्रॉबेरी क्रीम बाऊल आणि लंडन चॉकलेट स्ट्रॉबेरी बाऊल असे सगळे प्रकार उपलब्ध आहेत. यामध्ये सुद्धा तुम्हाला ऑप्शन असून पर्सनल बाऊल आणि शेअरिंग बाऊल सुद्धा मिळतील.