Girls Safety Tips : सुरक्षित आणि आनंदी सोलो ट्रिप करायचीय, मुलींनी प्लॅन करताना या गोष्टी नक्की पाहाव्या

ट्रॅव्हल एक्सपर्ट रितिक सैनी सांगतात की, एकट्याने फिरण्यामध्ये खूप धोका असतो, पण योग्य विचारपूर्वक हा धोका कमी करता येतो. जर एखादी महिला सोलो ट्रिपचा विचार करत असेल, तर त्या ठिकाणाबद्दल आधीच संपूर्ण माहिती करून घ्या. तिथली स्थानिक संस्कृती कशी आहे, रात्रीचे वातावरण कसे असते आणि वाहतुकीची सोयीसुविधा कशा आहेत, याची माहिती घ्या. जर तुम्हाला कुठूनही कळले की, ते ठिकाण मुलींसाठी सुरक्षित नाही, तर तुमचा प्लॅन बदलून टाका.

आजकाल सोशल मीडियाचा जमाना आहे. त्यामुळे अनेकदा मुली कुठे फिरत आहेत, काय करत आहेत याची माहिती सोशल मीडियावर शेअर करतात. ज्या ठिकाणी असतात, तिथून लाईव्हही करतात. अशा परिस्थितीत, कोणीही सहज त्या ठिकाणी पोहोचू शकतो. अशी चूक कधीही करू नका. तुमचे लोकेशन फक्त कुटुंबासोबत शेअर करा. तुमच्या दिवसाच्या प्रत्येक प्लॅनिंगची माहिती त्यांच्यासोबत सांगा. नेहमी गुगल मॅप किंवा व्हॉट्सॲपवर लाईव्ह लोकेशन शेअरिंग सुरू ठेवा, जेणेकरून तुमच्या घरच्यांना तुमच्याबद्दल माहिती मिळत राहील.