Health Emergency : ताप-खोकला, थोडंसं दुर्लक्ष अन् थेट व्हेंटिलेटरवर पोहोचला 15 वर्षांचा मुलगा! 'ही' छोटी चूक ठरली कारण

डॉ. रवींद्र कुलकर्णी (MD, DNB, FSCAI (Cardiology) Just For Hearts) यांनी एका एक्सबद्दल आपल्या एक्स अकाऊंटवरून माहिती दिली आहे. त्यांनी सांगितल्याप्रमाणे, 15 वर्षीय मुलगा इमर्जन्सी रूममध्ये दाखल झाला. गेल्या एका महिन्यापासून त्याला सतत ताप, खोकला आणि वजन कमी होत होते. गेल्या दोन दिवसांत श्वास लागणे सुरू झाले. घरच्यांना वाटले काही साधे असेल आणि होमिओपॅथिक उपचार सुरू होते. पण लक्षणे थांबली नाहीत, उलट वाढत गेली. (कोणत्याही Pathy उपचारांबद्दल त्यांना आक्षेप नाही असे त्यांनी लिहिले).

रुग्णालयात दाखल झाल्यानंतर मुलाची हृदयगती 180, ऑक्सिजन पातळी फक्त 60% तर त्याला तीव्र श्वासोच्छ्वासाचा त्रास होत होता. रुग्णालयात आल्यावर अवघ्या एक तासात मुलाला व्हेंटिलेटर लागला. एक्स-रेमध्ये पल्मोनरी कोक्स (क्षयरोग) आणि त्याच्या गुंतागुंती दिसल्या. मुलावर उपचार सुरू आहेत, पण पुढचे काही तास निर्णायक आहेत, असे त्यांनी सांगितले.

- 2 ते 3 आठवड्यांपेक्षा जास्त ताप किंवा खोकला असल्यास वाट पाहू नये. ताबडतोब डॉक्टरांना दाखवा.