झोप येत नाहीये, अजिबात हलक्यात घेऊ नका ही लक्षणं, नेमकं काय कराल?, कामाची माहिती..

लोकांच्या झोपेवर आजकाल, सर्वात मोठा नकारात्मक परिणाम हा त्यांच्या झोपेच्या वेळी मोबाईल, लॅपटॉप आणि टीव्ही सारख्या इलेक्ट्रॉनिक गॅझेट्सचा वापर केल्याने होतो. ही सर्व उपकरणे झोपेत अडथळा निर्माण करतात. कारण यातून निघणारी ब्लू लाइट मेंदूला सक्रिय ठेवते आणि झोपेत अडथळा निर्माण होतो. मोबाईलमधून निघणाऱ्या रेडिएशनचा तुमच्यावर परिणाम होऊ नये यासाठी झोपताना मोबाइल तुमच्या शरीरापासून किमान 4 ते 5 फूट दूर ठेवावा. जर तुम्हाला रात्रीच्या वेळी वारंवार मोबाईल पाहण्याची सवय असेल तर तो खोलीच्या बाहेर ठेवण्याचा प्रयत्न करा. यामुळे तुमच्या मनाला शांती मिळेल आणि चांगली झोप येण्यास मदत होईल, असे ते म्हणाले.

चांगली झोप येण्यासाठी दररोज व्यायाम आणि प्राणायाम करण्याचा फायदा होतो. योग, ध्यान आणि प्राणायाम केल्याने मानसिक शांती मिळते. झोपेत सुधारणा होते. दिवसात 10 ते 15 ध्यान किंवा श्वसनाचा व्यायाम केल्याने तणाव कमी केला जाऊ शकतो. झोपण्यापूर्वी कमीत कमी 100 पाऊले चालल्याने रक्त परिसंचरण सुधारते आणि झोपेत सुधारणा होते.

चांगल्या झोपेसाठी मानसिक शांती असणे आवश्यक आहे. जर तुम्ही तणावात असाल तर तुमच्या झोपेवर त्याचा वाईट परिणाम होऊ शकतो. त्यामुळे मानसिक तणाव कमी करण्यासाठी आयुर्वेदिक औषधी वनस्पती जसे की अश्वगंधा किंवा सर्पगंधा वापरू शकता. तणावमुक्त राहण्यासाठी, दैनंदिन कामे वेळेवर पूर्ण करण्याचा प्रयत्न करावा आणि आवश्यक विश्रांती घेत रहावी. यामुळे मानसिक एकाग्रताही सुधारते. आरोग्य तज्ज्ञांच्या सल्ल्यानुसारच अश्वगंधा किंवा सर्पगंधा यांचे सेवन करा.

झोप गरजेची आहे. मात्र, गरजेपेक्षा जास्त झोपणे देखील आरोग्यासाठी हानिकारक ठरू शकते. अधिक झोपेमुळे शरीरात आळस तयार होतो. यामुळे दिवसभराची कामांना उशीर होतो. जास्त झोपल्याने लठ्ठपणा, शारीरिक जडपणा आणि इतर आरोग्य समस्या देखील होऊ शकतात. केवळ मानसिक आरोग्यासाठीच नाही तर शारीरिक आरोग्यासाठीही संतुलित झोप आवश्यक आहे, असेही त्यांनी सांगितले.