फोनचं नेटवर्क गायब अन् क्षणार्धात बँक अकाउंट रिकामं! मुंबईतील महिलेला 11 लाखांचा चुना

आपल्यापैकी सर्वच लोक आता स्मार्टफोन वापरतात. स्मार्टफोन वापरत असताना नेटवर्क नसणे किंवा मोबाईल स्लो चालणे अशा गोष्टी घडतच असतात. अनेकदा अचानक मोबाईलचं नेटवर्क जातं. आपण तांत्रिक समस्या समजून त्याकडे दुर्लक्ष करतो. पण अनेकदा अशी छोटी समस्या मोठ्या धोक्याचा संकेत असु शकतो.

मुंबईत एका महिलेसोबतही अशीच एक घटना घडली. तिच्या फोनचे नेटवर्क अचानक बंद पडले आणि काही मिनिटांतच तिच्या बँक अकाउंटमध्ये 11 लाख रुपये गायब झाले. नंतर, हे लक्षात आले की ही साधी तांत्रिक चूक नव्हती तर एक नियोजित सायबर फसवणूक होती. सायबर गुन्हेगार लोकांना अडकवण्यासाठी नवीन तंत्रज्ञानाचा वापर करत आहेत, ई-सिम फसवणूक वेगाने वाढत आहे.

सरकारचा इशारा आणि I4C चा सल्ला : या घटनेला गृह मंत्रालयाची सायबर सुरक्षा ईकाई इंडियन सायबर क्राइम कोऑर्डिनेशन सेंटरने आपल्या अधिकृत सोशल मीडिया हँडलवर शेअर करण्यात आले आणि लोकांना सतर्क राहण्याचा सल्ला दिला. I4C नुसार, महिलेला e-SIM फ्रॉडच्या माध्यमातून निशाणा बनवण्यात आले. ज्यामुळे ठगांनी त्याच्या बँक अकाउंटमधून लाखो रुपये उडवले. एजेन्सीने स्पष्ट केले की, मोबाईल नेटवर्क अचानक लो झालं तर हे हलक्यात घेऊ नका. कारण ही मोठ्या फ्रॉडची सुरुवात असू शकते.

e-SIM फसवणूक म्हणजे काय? : ई-सिम फसवणूक ही पारंपारिक सिम स्वॅप घोटाळ्यांसारखीच असते, परंतु ती अधिक धोकादायक आणि वेगवान असते. यामध्ये, फसवणूक करणारे टेलिकॉम कंपनीचे कस्टमर केअर एक्झिक्युटिव्ह असल्याचे भासवून फोन करतात. ते लोकांना त्यांचे सिम अपग्रेड करायचे किंवा ते ई-सिममध्ये रूपांतरित करायचे आहे असे सांगतात. तुमचा विश्वास जिंकल्यानंतर, ते तुमचा आधार नंबर, जन्मतारीख किंवा ओटीपी सारखी पर्सनल माहिती विचारतात. या माहितीचा वापर करून, ते तुमच्या नावावर एक नवीन ई-सिम जारी करतात. यामुळे तुमचा मोबाईल नंबर फसवणुकीच्या कंट्रोलमध्ये येतो.

बँक अकाउंट कसे रिकामे केले जाते : फसवणूक करणाऱ्यांना तुमच्या मोबाईल नंबरवर प्रवेश मिळाल्यावर, ते तुमच्या बँकेकडून येणारा ओटीपी आणि अलर्ट मेसेज वाचू शकतात. हा ओटीपी तुमच्या बँक व्यवहारांची गुरुकिल्ली आहे. त्यांना ओटीपी मिळाल्यावर, ते तुमच्या अकाउंटमधून पैसे ट्रान्सफर करतात. मुंबईतील एका महिलेसोबत असेच घडले. नेटवर्क समस्या सोडवण्याच्या बहाण्याने तिला फोन करण्यात आला, तिचे डिटेल्स घेण्यात आले आणि नंतर, सिम स्वॅपद्वारे, तिच्या अकाउंटमधून 11 लाख रुपये काढले गेले. सर्व काही काही मिनिटांत घडले, तिला समजण्याची संधीही मिळाली नाही.

स्वतःला असं ठेवा सुरक्षित : अशा फसवणुकीपासून बचावासाठी सतर्क राहणे खुप गरजेचे आहे. टेलिकॉम कंपन्या कधीही स्वतः कॉल करुन सिम अपग्रेड करणे किंवा ई-सीममध्ये बदला असं सांगत नाहीत. नेटवर्क किंवा कॉलमध्ये प्रॉब्लम येत असेल अधिकृत कस्टमर केयर नंबरवर संपर्क करा किंवा जवळच्या स्टोअरवर जात. कोणत्याही अनोळखी कॉलवर पर्सनल माहिती किंवा ओटीपी अजिबात शेअर करु नका. संशयित कॉल्स तत्काळ कट करा.

संशयास्पद कॉल ओळखणे आणि कुठे तक्रार करायची : दूरसंचार विभागाच्या नियमांनुसार, रजिस्टर्ड कंपन्यांकडून येणारे कॉल विशिष्ट नंबर सिरीजमधून येतात. बँकिंग कॉल सामान्यतः 1600 ने सुरू होतात आणि मार्केटिंग कॉल 140 ने सुरू होतात. जर कोणी सामान्य 10-अंकी मोबाइल नंबर किंवा लँडलाइनवरून बँक किंवा सिमशी संबंधित माहिती विचारत असेल तर सावधगिरी बाळगा. तुम्ही संचार साथी अॅप किंवा वेबसाइटवर अशा प्रकरणांची त्वरित तक्रार करू शकता. तुम्ही सायबर क्राईम हेल्पलाइन 1930 वर देखील कॉल करू शकता आणि तक्रार दाखल करू शकता. एक तक्रार अनेक लोकांना फसवणुकीपासून वाचवू शकते.