Health Tips: पावसाळ्यात हे पदार्थ आहे विषासारखे, पोट काय त्वचा सुद्धा होऊ शकते खराब!

बीड: पावसाळा सुरू झाल्यापासून हवामानात मोठे बदल झाले असून त्यामुळे अनेकांचे आरोग्य बिघडले आहे. या दिवसांत सर्दी, ताप, त्वचारोग यांसोबतच अपचन, गॅस, पोटदुखी यांसारख्या पचनाशी संबंधित तक्रारी वाढल्या आहेत. अनेक नागरिक पावसात भजी, वडे, मिसळ, चहा यासारख्या जड आणि तळलेल्या पदार्थांचे सेवन करतात जे अपचनास कारणीभूत ठरतात. दमट हवामानामुळे पचनसंस्थेची कार्यक्षमता मंदावते आणि त्यामुळे अपचनाचे प्रमाण वाढते. डॉक्टर विशाल थेटे यांनी दिलेल्या माहितीनुसार, पावसाळ्यातील बदललेली जीवनशैली आणि अन्नपद्धती यामुळे पोटाचे विकार जास्त प्रमाणात दिसून येतात.