जंक फूड खाल्ल्याने मुलांना गंभीर समस्या, डोळ्यांची दृष्टीही होऊ शकते कमी, नेमकं काय करावं?

Published by:Khushalkant Dusane
local18

Last Updated:February 18, 2024 1:02 PM IST

व्हिटॅमिन ए हे एक आवश्यक जीवनसत्व आहे, जे शरीर स्वतः तयार करू शकत नाही. त्यामुळे मुलांच्या आहारात व्हिटॅमिन ए असलेल्या गोष्टींचा समावेश करणे गरजेचे आहे.

अनूप पासवान, प्रतिनिधी

कोरबा : मुले खाण्याच्या बाबतीत खूप निवडक असतात. बहुतेक मुलांना बाहेरचे जंक फूड आणि पॅक केलेले अन्न आवडते. मात्र, सतत आरोग्याला फायदेशीर नसणारे हे अन्न खाल्ल्याने मुलांच्या शरीरात जीवनसत्त्वांची कमतरता निर्माण होते. रोजचे जेवण सोडून मुले प्रक्रिया केलेल्या आणि साखरयुक्त पदार्थ खाण्यास प्राधान्य देतात. त्यामुळे त्यांच्या आरोग्याला मोठा धोका होऊ शकतो.

व्हिटॅमिन ए हे एक आवश्यक जीवनसत्व आहे, जे शरीर स्वतः तयार करू शकत नाही. त्यामुळे मुलांच्या आहारात व्हिटॅमिन ए असलेल्या गोष्टींचा समावेश करणे गरजेचे आहे. मुलांमध्ये त्याची कमतरता असल्यास त्यांना गंभीर समस्यांना सामोरे जावे लागू शकते. याबाबत लोकल18 च्या टीमने कोरबा मेडिकल कॉलेजमधील नेत्रचिकित्सक अंकिता कपूर यांच्याशी संवाद साधला. यावेळी त्यांनी मुलांमध्ये व्हिटॅमिन एच्या कमतरतेची कारणे, लक्षणे आणि उपाय सांगितले.

यावेळी त्यांनी सांगितले की, मुलांना योग्य आणि पौष्टिक आहार मिळत नसल्याने मुलांना व्हिटॅमिन ए कमतरतेचा त्रास होत आहे. त्याच्या कमतरतेमुळे मुलांची दृष्टीही कमी होऊ शकते. पालकांनी याकडे विशेष लक्ष दिले पाहिजे. व्हिटॅमिन ए हे असे आवश्यक जीवनसत्व आहे, जे शरीर स्वतः तयार करू शकत नाही. म्हणून मुलांच्या आहारात व्हिटॅमिन ए असलेल्या गोष्टींचा समावेश करणे गरजेचे आहे.

व्हिटॅमिन ए च्या कमतरतेची लक्षणे काय ?

1. रात्रीच्या वेळी मुलांची दृष्टी कमी दिसणे, याला रातांधळेपणा देखील म्हणतात.

2. दृष्टी कमी होणे

3. मुलांच्या डोळ्यात कोरडेपणा आणि सूज

4. डोळ्यांच्या बाहुल्यांवर व्रण

मुलांमध्ये व्हिटॅमिन ए च्या कमतरतेवर मात कशी करावी

1. पालकांनी लहानपणापासूनच मुलांच्या आहाराबाबत दक्ष राहावे आणि त्यांना पौष्टिक आहार खाऊ घालावा.

2. व्हिटॅमिन ए ची कमतरता टाळण्यासाठी, लोकांनी हिरव्या पालेभाज्या, पिवळी आणि केशरी फळे (जसे की पपई आणि संत्री), गाजर आणि काकडी आणि भोपळ्याची भाजी खावी.

3. दूध, दही, अंडी, चिकन, काही प्रकारचे मासे जसे साल्मन, धान्य, तांदूळ, बटाटे, गहू आणि सोयाबीन यांचे सेवन केल्याने अ जीवनसत्वाची कमतरता दूर होते.

inspiring news : 4 वर्षांचा असतानाच गेली दृष्टी, तरीही खचला नाही, आज झाला सरकारी शिक्षक, तरुणाची प्रेरणादायी गोष्ट!

आरोग्य विभागाकडून मोहीम -

त्यांनी सांगितले की, मुलांमधील व्हिटॅमिन ए च्या कमतरतेवर मात करण्यासाठी आरोग्य विभाग एक मोहीम राबवत आहे. 9 महिने ते 5 वर्षे वयोगटातील मुलांना व्हिटॅमिन ए पूरक आहार पुरवला जात आहे. 9 महिने ते 12 महिने वयोगटातील मुलांना नियमित लसीकरणादरम्यान पहिल्या एमआर लसीसह व्हिटॅमिन ए चा एक मिलीलीटर (मिली) डोस दिला जातो. 16 महिने ते 24 महिने वयोगटातील मुलांना दुसरी एमआर लसीसोबत दोन मिली डोस दिला जातो. तसेच दर 6 महिन्यांनी, बाल आरोग्य पोषण महिन्यात, 2 ते 5 वर्षे वयोगटातील मुलांना 2 मिली लस दिली जाते, अशी माहिती त्यांनी दिली.

Disclaimer : ही बातमी फक्त वाचकांच्या माहितीसाठी आहे. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. कोणत्याही वापराची जबाबदारी वापरकर्त्याची स्वतःची असते. लोकल18 याबाबत कोणताही दावा करत नाही.