Health Tips: पावसाळ्यात गरमागरम भजी खाताय? आधी हे पाहा, ती चूक कधीच करणार नाही!

पावसाळ्यात तेल लवकर खराब होतं आणि तळण्यासाठी वापरण्यात येणाऱ्या तेलाचा दर्जाही कमी असतो. बऱ्याचदा एकाच तेलात वारंवार तळणं होतं, ज्यामुळे त्यामध्ये ट्रान्स फॅट्स निर्माण होतात. हे ट्रान्स फॅट्स हृदयविकार, कोलेस्टेरॉल वाढ, व तसेच लठ्ठपणास कारणीभूत ठरू शकतात, असं तज्ज्ञ सांगतात.

पावसात साठलेल्या पाण्यामुळे भाज्या किंवा पीठामध्ये जंतुसंसर्ग होण्याची शक्यता असते. अशा अन्नामुळे फूड पॉइझनिंग किंवा इतर संसर्गजन्य आजार होण्याचा धोका वाढतो. त्यामुळे आरोग्यासाठी पावसाळ्यात ताजं, उकडलेलं, कमी तेलकट आणि पोषक अन्न खाणं उपयुक्त ठरतं.